துறவு (அறத்துப்பால் -> துறவறவியல்)
யானென தென்னுஞ் செருக்கறுப்பான் வானோர்க்
குயர்ந்த வுலகம் புகும் - 346
நான் எனது என்கின்ற ஆணவத்தை அறவே விலக்கிவிட்டவன் வானவர்க்கும் மேலானவுலகத்தையடைவான்
தெளிபொருள் விளக்கம்
யான்+எனது - நான் எனது
என்னும்+ செருக்கு+அறுப்பான் - என்கின்ற ஆணவத்தை விலக்கிவிட்டவன்
வானோர்க்கு+உயர்ந்த - வானவர்க்கும் மேலான
உலகம் புகும் - உலகத்தையடைவான் (உலகத்தை+அடைவான்)
செருக்கு - மிகுந்ததற்ப்பெருமை அகந்தை ஆணவம்
செருக்கு - பெருமையென்றும் போருள்பெரும்
திருவள்ளுவர் மிகசிலகுரட்களில் வானோர் தெய்வம் மறுபிறவி இவற்றைப்பற்றி கூறியுள்ளார்
தூயதமிழ்ச்சொற்கள்நிறைந்தநூற்களை காண்பதரிது. திருக்குறளில் 10 % வடமொழியிருப்பதாக ஆராய்சிகூறினாலும் திருக்குறளில்வருஞ்சொற்கள் 2000 ஆண்டுகளுக்குப்பிறகுங்கூட எளிதாகபுரியும்படியாக இருக்கிறது. ஆங்கிலம் மற்றும் வடமொழிகலந்த இக்காலதமிழ் மேலும்பலசொற்களை தொலைத்துவிடாமலிருக்க மற்றும் மறைந்துவரும் பலசொற்களை நடைமுறையில் வைத்துக்கொள்ளவும் திருக்குறளின் தமிழாராய்ச்சி பயனுள்ளதாகயிருக்குமென எண்ணுகிறேன். ஆக இது விளக்கவுரையாக மட்டுமல்லாமல் திருக்குரளில்வரும் சொற்களின் பொருள்விளக்கமாகவும் அமையுமென நம்புகிறேன்.
No comments:
Post a Comment