851 ~ 855 இகல் (பொருட்பால் -> அங்கவியல்)

853  இகலென்னும் எவ்வநோய் நீக்கின் தவலில்லாத்
       தாவில் விளக்கந் தரும்

மனவேறுபாடு என்னும் துன்பந்தரும் நோயைநீக்கினால் நீங்காத தோய்வில்லாதபுகழைத்தரும்
--------------------------------------------------------------------------------
தெளிபொருள் விளக்கம்

எவ்வம்                    - துன்பம், வெறுப்பு
இகலென்னும் எவ்வநோய் - மனவேறுபாடு என்னும் துன்பந்தருந்நோய்
நீக்கின்                     - நீக்கினால்
தவல் + இல்லா - நீங்காத
தவல்                       - நீங்குதல்
தாவில்                   - தாவு+இல்
தாவு                         - தாழ்வு, வருத்தம், கெடுதல்
தாவில்விளக்கந்தரும் - தோய்வில்லாதபுகழைத்தரும்
--------------------------------------------------------------------------------

854  இன்பத்து ளின்பம் பயக்கும் இகலென்னுந் 
          துன்பத்துட் டுன்பங் கெடின்

மனவேறுபாடு எனப்படும் துன்பத்திலேயே பெரியதுன்பத்தை நெஞ்சிலிருந்து அகற்றினால் அது இன்பத்திலேயே பெரியயின்பதை கொடுக்கும்
--------------------------------------------------------------------------------
தெளிப்பொருள் விளக்கம்

இகல் - மனவேறுபாடு
இன்பத்துள் + இன்பம் - இன்பத்திலேயே பெரியயின்பம்
பயக்கும் - கொடுக்கும்
இகல் + என்னும் - மனவேறுபாடு என்னும்
துன்பத்துள் + துன்பம் - துன்பத்திலேயே பெரியதுன்பம்
கெடின் - அகன்றால்
--------------------------------------------------------------------------------