191~195 பயனிலசொல்லாமை (அறத்துப்பால் -> இல்லறவியல்)

192  பயனில பல்லார்முற் சொல்லல் நயனில
          நட்டார்கட் செய்தலிற் றீது
பயனில்லாதவற்றை பலர்முன்சொல்லுதல் நண்பரிடத்து அவருக்கு நெறித்தவறியச்செயல் செய்வதைவிட தீயது
--------------------------------------------------------------------------------
தெளிபொருள் விளக்கம்

பயனில - பயனில்லாதவற்றை
பல்லார்முன் - பலர்முன்
சொல்லல் - சொல்லுதல்
நயன் + இல - சிறப்பில்லா, நெறித்தவறியச்செயல்
நட்டார்கண் - நண்பரிடத்து
செய்தலின் - செய்வதைவிட
தீது - தீயது
--------------------------------------------------------------------------------
193  நயனில னென்பது சொல்லும் பயனில
          பாரித் துரைக்கு முரை

பயனில்லாதவற்றை விவரித்துப்பேசும்பெச்சு அவன் நீதியறியாத நெறிகெட்டவன் என்பதை காட்டிவிடும்
--------------------------------------------------------------------------------
தெளிபொருள் விளக்கம்

பயனில - பயனில்லாதவற்றை
பாரித்து - விவரித்து
உரைக்கும் + உரை - சொல்லும்பெச்சு
நயனிலன் + என்பது - அவன் நீதியறியாத நெறிகெட்டவன் என்பதை
சொல்லும் - காட்டிவிடும்
--------------------------------------------------------------------------------
பாரித்து - விவரித்து
விரிந்துயிருப்பதால் உலகம் பார் என்றும் அழைக்கப்படுகிறதோ. உலகம் என்பது லோகம் என்னும் வடமொழியின் மருவல் தானே